Ana

Yer üzünü gəz, ey külək,
Uğultunu kəs, ey külək!
Yatan qızım oyanmasın,
Burda asta əs, ey külək!

Külək

Soyuq qəlbli bəyəm mənəm,
Qansızları bəyənmənəm.
Bu məbədə çatan kimi
Həzin layla deyən mənəm.

Ağrıtdı mənim də
bu dərd qəlbimi,
Yenə qan qoxusu
duydum havadan.
O, gəldi dünyaya
Salatın kimi,
Burla Xatın kimi
getdi dünyadan.
Əzəldən yaraşar
igidə şöhrət
Azadlıq eşqinə
O, şəhid oldu.

Neçin igid ömrü
Tez yetdi sona?
Uzaq bir sədaya
Mən hay verirəm.
Həyatda bir dəfə
rast gəldin ona,
İndi xəyallarda
min yol görürəm.
Xalqıyçin canından
keçən o gözəl
Ölməzlik ömrünə mərdanə çatdı.

O, bir diləkdi ki, aylı, gündüzlü,
Neçə min diləyin sözündə qaldı.
O, bir ürəkdi ki, nəğməli, sözlü,
Neçə min ürəyin özündə qaldı.

O, bir kamaldı ki, qol-qanad açdı,
İçdi saf suyundan gur bulaqların.
O, bir qartaldı ki, bir dağdan uçdu,
Qondu zirvəsinə min-min dağların.

Şəhid Azərbaycan qızı Salatın Əsgərovaya rəhmət oxuyuruq…

Qonaqlıq…
Mahnılar uçur göylərə
Çıraqlar baş üstə,
rəngin çətirdi.
Bir kərə görüşdük,
yalnız bir kərə,
Özüylə bir dünya
heyrət gətirdi.
Yerişi elə bil
xəyal uçuşu,

Baxdı atasının
tutqun üzünə,
O, gördü mehriban
baxışlarda qəm.
“ – Ata, Qarabağa gedirəm yenə.
Ceyhun əmanəti…
əyər gəlməsəm…”
“ – Sən nə danışırsan?
Bu sözlər nədir?
Belə bəd hisslərdən
ay qızım, əl çək”

Düşdü vadilərə
güllənin səsi
Sanki dağ çəkildi
dağ sinəsinə.
Qırmızı buludun
qanlı kölgəsi
Bir anda sərildi
Yer kürəsinə.
Ey, səma! Parçalan,
torpağa tökül.
Bu necə alovdu,
Bu necə oddu?

Düşdü vadilərə
güllənin səsi
Sanki dağ çəkildi
dağ sinəsinə.
Qırmızı buludun
qanlı kölgəsi
Bir anda sərildi
Yer kürəsinə.
Ey, səma! Parçalan,
torpağa tökül.
Bu necə alovdu,
Bu necə oddu?

Bu necə dəhşətdir,
bu necə yuxu?
Çökmüşdür uşağın
qəlbinə qorxu.
…Bir canavar çıxır
kolluq içindən.
Dişi şaqqıltıyla
dişinə dəyir,
Keçib oğrun-oğrun
yolun içindən
Elə ulayır ki,
meşə titrəyir.