Bədbəxtə balıqlar gülür, bu bizim şikarımızdır!
Yapışıb saman çöpündən deyir bəs avarımızdır

Dostumuz Condur,İvandır,buların dostusa “yandır”
Bu gələn qışdı,borandır,o gedən baharımızdır

Yapışıb şalvarı dartan,orada sayları artan
Deyir ki,bizlərə Vartan, bu bizim diyarımızdır

Hər işi tərs avanddı bizim bu dövranımızın
Tarazdı hər bir işi tək bizim ünvanımızın

Yarıçılpaq müğənni xalqımın artisti olub
Fəxridir ay maşallah Azərbaycanımızın

Baxıb ibrət götürək biz qızabənzər gədiyə
Bizlərdə əskik olmur “ulduz”u ekranımızın

Rüşvət baş alıb gedir bizim kollecimizdə
Ey vay,deyəsən qalmayacaq pul cibimizdə
Hər qiymətin öz qiyməti var burda bazartək
Hay təhsil alarsan bu gedişnən,bala,gözdə.

SEVGİLİM..

Sevgilim,bəlkə də eşq atəşinə
Yanmayıb mənimtək pərvanələr də
Sən məni elə bir hala salmısan
Ağlayır halıma biganələr də

Qəlbimdə yurd salıb qəm-qüssə,kədər
Ağlım da başımdan düşüb dərbədər
Olmuşam eşqinlə Məcnundan betər
Heyrandır eşqimə divanələr də

…ÜMİD ARVADLARA QALDI.

Kişilər qeybə çəkildi ümüd arvadlara qaldı
Torpaq gedər oldu, Qarabağ yadlara qaldı,

Fərhad kimilər əldə külüng dağları çapdı
Gəl sadəcə bir zəhməti Fərhadlara qaldı,

Kim satdı vətən mülkünü qafillərə sorduq
Zad-şey dedilər, mülki-vətən zadlara qaldı,