Dirək oldu göylərə ah-naləsi bu yerin.... 
Vətəndə iş axtarıb ağ gün gözləyənlərin, 
Gözlərinə ağ düşüb. 
Bir parçacıq çörək də Vətəndən qaçaq düşüb. 

Bizdə bu soyaq qanları neylərdin ilahi ? 
M. Ə. Sabir

Qacqının payına göz dikən alçaq, 
Sənə hansı haqla mən insan deyim? 
Millətin qanını soran qurumsaq, 
Mən sənin adına soxulcan deyim. 

Mən yoxam, adicə bir adam, Allah, 
Sənə catmaq üçün fəryadam, Allah. 
Qul azad olanda şad olmalıdır 
Qulun olduğuma mən şadam, Allah.

Rəhm eylə özün sən mənim övladıma, yarəb, 
Rəhm eylə mənim naləmə, fəryadıma, yarəb. 

Məhrum eləmə sən onu dünya işığından, 
Sənsən pənahım, sən yetiş imdadıma, yarəb. 

O, namaz üstündə əl açıb göyə 
Allaha üz tutub, "Ya rəbbim", - deyə 
Onun duasına qarısır ahı 
O, bu dəm elə bil görür Allahı, 

Niyə bu günə düşdün 
Ay mənim məmləkətim? 
Özümə düşmən olub 
Aşıb-daşan sərvətim. 

Baş çıxarmaq həm çətindir, həm asan 
İblisindən, mələyindən dünyanın. 
Adəm satdı bir buğdaya cənnəti, 
Tora düşdü kələyindən dünyanın.

'Bəxtim, mənə yar ol', deyib çağlaram, 
Yar olmasa de bəxtiyar ol görüm. 
Gələcəyə ümidimi bağlaram, 
Bir an sonra nə olacaq, bil, görüm.

'Gəl-gəl' deyə hicrində kaman tək mələdim mən, 
Bir ömrü sənin eşqinə qurban elədim mən. 
Asudə tifildin, nə qəmin vardı, nə dərdin, 
Dərdimlə sənin gözlərini sürmələdim mən.

Bir kor tanıyıram, gözü korsa da, özü kor deyil. 
Bəzən qəm odunda qovrulursa da, 
Ağlına, hissinə o nankor deyil. 
Gecəli-gündüzlü yazır, oxuyur, 
Ağlınm gözüylə o görür, duyur.

Anam olsan belə, ay anam, xeyli, 
Səndən gileyliyəm, səndən gileyli... 
Sən duymaq, düşünmək öyrətdin mənə, 
Duyub-düşünməkdən azad olaydım. 
Danışmaq öyrətdin sən öz körpənə 
Nola, mən anadan lal doğulaydım.

Ey cibi dolular, ürəyi boşlar, 
Ey sərvət dəlisi, köhnə naxoşlar, 
Ey qeyrət damarı kəsik gədalar, 
Peysəri qatbaqat iddialılar, 
Görən, olacaqmı sümürdüyünüz 
Bu millət qanından doyan gününüz?