Fərid Muradzadə - Vidalaşıb çıxıb gedən dərvişəm.

O dünyamı bu dünyamda görmüşəm

Vidalaşıb çıxıb gedən dərvişəm

Mirzə Sakit

Haqsızlığı dərk edəndən, görəndən, 

Gözümdəki tor pərdəni siləndən,  

O dünyanın cəfasını biləndən, 

Bu dünyanın səfasından küsmüşəm, 

Vidalaşıb çıxıb gedən dərvişəm. 

Ömrüm fələk ələyində ələndi, 

Yetim sevdam qapılarda süləndi, 

Arzularım perik düşüb, pərəndi

Ümidimi itirmişəm, bezmişəm

Vidalaşıb çıxıb gedən dərvişəm. 

"Y"hərifi dağ yüklədi belimə, 

Həsrət, möhnət , qəm güc verdi təbimə

Yar dediyim yara vurdu qəlbimə

İnsan olan yar sözünü silmişəm

Vidalaşıb çıxıb gedən dərvişəm. 

Öz odunda için-için qovrulub, 

Əsən yellə , külək ilə sovrulub, 

İnsanların yalanından yorulub, 

Əsam ilə kəşkülümlə dərdişəm

Vidalaşıb çıxıb gedən dərvişəm.