Fidan Vahid - Çılpaq yaz

Poeziya
Fidan Vahid - Çılpaq yaz
Ömrümün 21-ci yazında
Başıma küldən qar yağdıran adam...
Bu nə möcüzə idi yaşatdın mənə?!
Əllərində qırmızı çiçəklərlə
Çaldın könül qapımı.
Ləçəklər qurumamış,
Qurutdun ömrümü...
Qucaq dolusu gülüşlərlə
Ayaq basdım yuvana,
Sənsə addım-addım sındırdın qamətimi,
qərarımı...
Saçlarımı tel-tel oğurlayan adam
Qaytar mənim qaradan qara hörüyümü.
Əlində qalmasın
nə qaram, nə də yaram.
Şeir-şeir sevdiyim adam...
Əbədi faciə oldun sevgi ədəbiyyatlarına.
Axı sən hardan biləydin ki, sevmək necə olur?!
Bunu sənə öyrətmədilər, uşaq adam!
Özün hələ böyümədən
Böyük-böyük qocaltdın məni...
Mövzuya uyğun linklər:
Nizami Bayramlı - Cabbar Çətinin poetik məhkəməsi: məsumluğun dağıdılmış mifologiyası
ŞvartsMan (Tamerlan) - Nikahdan kənar münasibətlər (hekayə)
Mətanət Teymurlu- “Cəhənnəmin Rənglərində Dante və Virgil”
Mətanət Teymurlu- Tarixlə Əfsanənin Kəsişdiyi Qadın
Fərid Muradzadə - Onore de Balzakın ”Qobsek” əsəri haqqında düşüncələr