Şəlalə Camal - Soruşdunmu necəyəm?

Soruşdunmu necəyəm?

Mən keçilməz küçəyəm.

Elə sındı qanadım

Qorxaq, ürkək sərçəyəm...

Soruşdunmu necəyəm?

Hər şeyi deyəcəyəm

Sən xoşbəxt görünürsən,

Ya mənmi sevincəyəm?!

Soruşdunmu necəyəm?

Necə keçir günlərim?

Mən bu Yer kürəsində,

Vallah dustaq kimiyəm.

Soruşdunmu necəyəm?

Bir az ölü kimiyəm,

Qisası almaq üçün,

Mütləq diriləcəyəm.