Günel Mehri - Gün

Sən heç Günəşə doğru əl uzatdınmı? 
Nə qədər uzaq olduğunu hiss etdin o an yəqin...
Amma barmaqların arasına sığışdırdıqda nə qədər yaxın

görünürdü, deyilmi?
ovcunun içindəymiş kimi...
Bəs yaxınlaşdınmı Günəşə?
Yaxınlaşdıqca istisindən qamaşdımı gözlərin?
Gözlərini qapayıb xumarlandınmı sarı-narıncı işıq zolağının təsirindən?
Bütün hisslərin kilidləndimi,
başın döndümü bu doğmalıqdan?
Amma ən yaxınına gəldikdə yandın, deyilmi?
Kül oldun, yox oldun, deyilmi?
İndi qəfil bir etiraf etsəm...
desəm ki, mən də Günəşəm, qorxarsanmı?