Edebiyyat.az » Poeziya » Sevinc Giləhlidən şeirlər

Sevinc Giləhlidən şeirlər

Sevinc Giləhlidən şeirlər
Poeziya
admin
Müəllif:
08:45, 08 dekabr 2021
390
0
Sevinc Giləhlidən şeirlər




Balam döndü sənə qoşdu,
Kilidlədi dizimi.
Sıxışdı qürurum
körpəmin sevincdən sayrışan kirpiklərində.
Çırpdım 
ürəyimin içindən
yanan arzuların közünü,
Hönkürdüm
Yoxum boyda 
boşluğa 
qoyub üzümü.
        
***

Yastığımın içindən
                  yuxumu baltalar
                  nəhayətsiz zınqırov səsi.
Pəncərəmə 
          damcı-damcı 
                      hönkürər,
                       soyuq gecənin nəfəsi.
Divarda üzümü yamsılar
Küçədən keçən xoşbəxt işıqlar,
Kirpiklərim 
          havada
             yeksənəq simfoniya.
                   notlar,notlar...

     

KÜLƏYƏ

Bu mən adlı divarların arasında,
Gözqırpımı həyatımın  qarasında
                                              sıxılıram.
Yaz çiçəyi nəfəsitək 
                       sovur məni,
Budağımdan üzülüm,
                                     gedək.
Gülləri uçuraq bağlardan,
Bənövşənin yanağından süzülüm,
                                                      gedək.
Zirvələrin mamırına
                             çək  
                                    məni,
Saralmayan ağacların toxumuna qat,
                                                             apar.
Xəzəl-xəzəl 
                      dərinlərə at,
                                          apar.
Bərkiyib 
              torpağımda
                              bir lacivərd daş olum,
Sovur məni,
Ümmanların boşluğuna
 nəğmə-nəğmə
                           köklə ,   
                                       Dur.
Dalğaların dodağından  
                                        uçum,  uçum...
             Yoxa yoldaş olum.
                            
                           

                       Külək

Külək
Bu axşam
külək
çırpdı
ağacların tozunu,
diddi
yolların üzünü.

Qoşub dalğalara
sürüdü sahildə
körpəmin səhərki izini.

Uçmaq istəyən dəlilər kimi
qalxıb
yamaclara
vurdu
özünü.
Ctrl
Enter
ohv tapdınız?
Ctrl+Enter sıxıb bizə bildirin
Müzakirə (0)