Çilənay Nur Faiqdən şeirlər
Poeziya
admin
Çilənay Nur Faiqdən şeirlər
Ömrümün son günü
Bir kiçik ümid üçün yaşamaq hissi,
Qaranlıq gecənin yanan şamıdır!
Çalışıb xoşbəxtlik bir az tez gəlsin,
Bu gecə ömrümün son axşamıdır!![]()
Sabah bu dünyada mən adlı insan,
Cansız şəkillərdən asılı olacaq.
Bağlanma tək ona, yaxşısı budur,
Kağız parçası da bir gün solacaq.
Xəyal aləminin yolçusu olan,
Gerçəyi ovlayan ovçu kimiyəm.
Bu yaşda dünyadan əlini üzən,
Taledən usanmış yolçu kimiyəm.
Qəlbi yalanlara inandırmayın.
Sabah yaşanmamış əzbər şeirdi!
Sətirlər, cümlələr çarəsizliyi,
Dilim söyləmədən əvvəl deyirdi!
Dönəmim deyil
Yalanlar dilimdə gözəl səslənir.
Qoy dilim lal olub gözüm danışsın!
Məni dərd dustağı edən taleyi,
Qoymaram qəlbimlə heç vaxt barışsın!
Sən məni sadəcə əzə bilərsən.
Kökümdən qopartmaq hünərin deyil!
Əvvəlki şahlığı əldən vermisən,
Artıq sən zənn edən dönəmim deyil!
Durma, nə durursan, əlini qaldır!
Sən palıd, mən dəmir, vuruşaq bu gün!
Nə oldu, əsirsən, dizin titrəyir?
Qorxuram, deyəsən, barışaq bu gün!
Gül qədər ömür
Özümə gül qədər ömür dilərəm.
Tez solum, yox olum, unudulum mən!
Bəli, çox istərəm kitab içində,
Yadigar gül kimi qurudulum mən!
Böyük xəyallar
Kiçik bir daxmanın pəncərəsindən,
Böyük xəyallarla baxan mən idim!
Saxtalı, boranlı qış gecəsində,
Şehlə pəncərədən axan mən idim!
Mövzuya uyğun linklər:
Həmçinin oxuyun:
Viktoriya Tokarevadan povest
AZAD QARADƏRƏLİ - MORQDA KARANTİN* (“Morq çiçəkləri”, 2-ci kitab, roman)
LALƏ HÜSEYNOVA - SİRR
Azad Qaradərəli MORQ ÇİÇƏKLƏRİ - ( roman - birinci hissə )
Azad Qaradərəli - MORQ ÇİÇƏKLƏRİ - ROMAN 3 - cü hissə
Azad Qaradərəli - ERMƏNİ DOKTORUN GÜNDƏLİYİ VƏ QARABAĞIN QARA HEKAYƏTLƏRİ (romandan parça)
