Tələbələrin debüt şeirləri
Məndə var olan biri…
Baxdım sənə, səmanı gördüm surətində,
Surətin bənzərsiz idi sanki səmanın dərinliklərində.
Özümü gördüm səndə, sən idin məndə var olan,
Yoxsa mən idim səmanın üfüqlərində?..
Gözyaşımtək acı oldun, sevgimtək təmiz,
Sənsən varlığımda var olub coşan bir dəniz.
Mən də məhəbbətində yox olan bir Məcnun,
Sən isə varlığımda ilahiləşən bir Leyli.
Gülnarə Xəlilli
Bakı Avrasiya Universitetinin Filologiya fakültəsinin Azərbaycan dili və ədəbiyyatı ixtisası üzrə I kurs tələbəsi
Səmaya bax, ey insan
Səmaya bax, ey insan!
Səmalarda görünür bulud, günəş, ulduzlar.
Səmalarda yaşayır bu xalqın əcdadları
Ki, onların yaşadır hələ də kəlamları.
Ay nə gözəldir, bir bax, qanad çalır durnalar,
Uzaqlardan xəbər gətirir sakit axşamlar.
Onların qatarları gözdən itməyir bir an,
Bu rəngarəng səmaya baxanda, çön bir də bax!
Əliyeva Aysu
Bakı Avrasiya Universitetinin Filologiya fakültəsinin Azərbaycan dili və ədəbiyyatı ixtisası üzrə I kurs tələbəsi
Heyran eyləyibdir
Heyran eyləyibdir, gözǝlim, aşiqini hüsnü camalın,
Bǝs, düşünmǝdinmi itirǝr bu sǝrsǝri ǝqlü kamalın,
Mǝn sǝrsǝriyǝ, ey ayüzlüm, güman qalıbdır amalın,
Yoxsa sǝnǝ dǝ özgǝ gǝlir sevgi, mǝhǝbbǝt?
Tacir Hacılı
Bakı Avrasiya Universiteti,
Filologiya fakültəsinin Azərbaycan dili və ədəbiyyatı ixtisası üzrə I kurs tələbəsi
Lalələr kimidir al yanaqların
Lalələr kimidir al yanaqların,
Ağlımdan çıxarmı nazlı halların?
Laləzardır bu qəlb səni görəndən
Əbədi ilham alacaq məhəbbətindən.
Cavad Əliyev
Bakı Avrasiya Universiteti, Filologiya fakültəsinin
Azərbaycan dili və ədəbiyyat ixtisası üzrə I kurs tələbəsi
Bir çiçək toxundu qəlbimə sanki
Gül kimi açdın qaranlıq ömrümdə,
Ətrin qaldı ən sakin gecəmdə.
Bir çiçək toxundu qəlbimə sanki
Adın yazıldı bütün günlərimdə.
Əllərində çiçəklər yox, elə bil
Bütün dünyanın sevgisi gizlənib.
Sən güləndə lalələr də utanır,
Ay işığı saçlarına dolanıb...
Fatimə Məmmədova
Ayla Fəhratova
Gülər Qəniyeva
Bakı Avrasiya Universitetinin Filologiya fakültəsinin Azərbaycan dili və ədəbiyyatı ixtisası üzrə I kurs tələbələri
Darıxmışam...
Elə indicə ayılmışam yuxudan,
Gözümü zilləmişəm saata,
Yoxluğunda bir əqrəb görünür,
Zəhər tökür sən olmayan torpağa.
Bu bəxtsizin nə gecəsi var, nə gündüzü,
Bilinmir nə vaxt yatır, nə vaxt ayılır.
Əgər səni qaytarmırsa dualar,
Bu Allahı narahat etmək sayılır.
Sən olan yerlərə boylanmağa, baxmağa,
Səni hər yerdə axtarmağa, tapmağa,
Kaş, külək olardım, hər telini
Yenidən nazikcə daramağa.
Darıxmışam səni hər gördüyüm yuxunu,
Öz xeyrimə çevirməyə, yozmağa.
Son sözüm də, qoy, bu olsun,
Darıxmışam sənə şeir yazmağa.
Fatimə Muradova
Bakı Avrasiya Universitetinin
Filologiya fakültəsinin Azərbaycan dili və ədəbiyyatı
ixtisası üzrə I kurs tələbəsi
