Cerom Devid Selincer - Çovdarlıqda uçurumdan qoruyan(pdf)

cerom_selincer_covdarliqda_ucurumdan_qoruyan_aze.pdf

(Yüklənib 1017)

748.49 Kb

Onlayn baxın: cerom_selincer_covdarliqda_ucurumdan_qoruyan_aze.pdf

Əgər, siz, doğrudan da, mənim başıma gələn bu sarsaq əhvalata qulaq asmaq fikrindəsinizsə, onda, yəqin, birinci bunu bilmək istəyəcəksiniz ki, mən harada və haçan anadan olmuşam, uşaqlığım hansı bəd əməllərlə əlamətdar olub, mən doğulanacan valideynlərim nə işin sahibi olublar və sair və ilaxır, qısası Devid Kopperfild sicilləməsi; ancaq, düzünü bilmək istəsəniz, mənim bu cür köhnə palan içi tökməyə heç həvəsim yoxdur. Əvvələn, ona görə ki, belə şit şeylərdən zəhləm gedir, ikincisi də, əgər, burada mən öz valideynlərim barədə bir-iki qəşəng, gəlişi xoş söz desəm, onları oradaca ikiqat infarkt vurar. Mənim valideynlərim belə şeylərə yaman dözümsüzdülər, illah da atam. Çox gözəl adamdırlar – buna sözüm yox, ancaq, neyləyəsən, bərk dəymədüşərdirlər. Bir də ki mən sizə başdan-ayağa öz tərcümeyi-halımı danışmaq niyyətində deyiləm, sadəcə, xəstələnib bura düşməmişdən qabaq, keçən milad bayramında başıma gələn sarsaq bir əhvalatdan söhbət açmaq istəyirəm.