Ələsgər Əhməddən terror nəticəsində vəfat etmiş körpə Mədinəyə şeir
Poeziya
admin
Ələsgər Əhməddən terror nəticəsində vəfat etmiş körpə Mədinəyə şeir
Mədinə üçün
Sən hələ ilk sözünü,
qırıq-qırıq deyəcəkdin
Ananın qucağında,
atanın dağıdılmamış ocağında böyüyəcəkdin
Küçədə oynayanda,
gülümsəyəcəkdin qaça-qaça
Bu xalqın ürəyinə,
sənin gələcəyinə güllə dəydi, balaca
Özün əl boyda idin
Yoxluğun dünyadan da ağırdı
Səni mələklər çağırdı
Ətrin torpaqdan duyulucaq, çiçək-çicək
Göyün üzündə sağsan
Həyat davam edəcək
Amma sən həmişə,
1 yaş 4 aylığında qalacaqsan
Mələklər getsələr də ölmür,
Zəhra gedəndə bildim ki, gəlməyəcək
Sənə söz verirəm,
bacın ölməyəcək
Çarəsizlik-
güldüyün şəkilə ağlayaraq baxmaqdı
Bağışla, Mədinə, bağışla
Mən sağam,
mənim ölməyimi istəməyənlər də sağdı
Bacarmıram,
Terror quduz it kimi uşaqlara cumur
Adın gələndə susuram,
danışa bilmirdin, axı
Ölüm sözünü demədən,
ölən uşağı
Şeirlərdə də yaşatmaq olmur
Yaşasaydın,
bütün xoşbəxtliklər sənə gələrdi
Ağlamayasan deyə,
atan gülərdi
Ölməzdi, geriyə bir yol tapardı
Təəsüf!
Səni dünyaya anan gətirdi,
anan apardı.
Mövzuya uyğun linklər:
Həmçinin oxuyun:
LALƏ HÜSEYNOVA - SİRR
Azad Qaradərəli - ERMƏNİ DOKTORUN GÜNDƏLİYİ VƏ QARABAĞIN QARA HEKAYƏTLƏRİ (romandan parça)
Azad Qaradərəli MORQ ÇİÇƏKLƏRİ - ( roman - birinci hissə )
Azad Qaradərəli - MORQ ÇİÇƏKLƏRİ - ROMAN 3 - cü hissə
Azad Qaradərəli - MORQ ÇİÇƏKLƏRİ (roman) İKİNCİ HİSSƏ
AZAD QARADƏRƏLİ - DÜNYANIN ƏN BÖYÜK ADAMI haqqında kiçik hekayələr
