Rüfət Hacıəli - Dost.

Bilmədim nəfsim mənə düşmən kəsilmiş, yada dost,
Heç gələrmi təngə can ruhumla tay, dünyada dost.


Təkcə cananım rəfiqim, canda yoxdur özgə can,
Göz yaşım! Axtarma eşqimdən kənar dəryada dost.

Baxma, hicranın əlindən olmuş ikən tar-mar,
Bircə dərdim can-şikarım, ovlamış  səyyada dost.

Gülləri dərdim, çəmənlər lərzəyə gəlmiş dedi:
Bülbülün qəlbin qırıb, heç düşməyirsən yada dost.

Eylə ki köçdün bu aləmdən, Rüfət,  qəbrində tək,
Başdaşın çək üstünə yat, yetmədi fəryada dost. 

                                                             18.04.2021