Edebiyyat.az » Poeziya » Ələsgər Əhməd - Sarı zərf

Ələsgər Əhməd - Sarı zərf

Ələsgər Əhməd - Sarı zərf
Poeziya
admin
Müəllif:
08:10, 27 fevral 2022
613
0
Ələsgər Əhməd - Sarı zərf


Nə dəyişdi ki
Güllələr? Yox, onlar hələ də ölümə sədaqətlidi
Sizin torpaq sevdanız,
sevgiyə təzə öyrəşən hansısa cütlüyün qətlidi
Dəyməz!
Bu xaraba dünyada iki uşaq daha artıq nəfəs alsa,
Üç kişi daha çox sevsə,
Dörd qadın daha çox xəstə qeydinə qalsa
Yer kürəsi mənasız cüssəsini əyməz

Eşit, bolşevik, qızıl ordu,
Babanız mavzaleyindən xortlayıb gəlsin,
Stalinin ürəyi Berlin divarlarında partlayıb, gəlsin
Vicdan keyfiyyətindən üstün saymayın,
silah kəmiyyətini
Çünki tarix üzünüzə bir də tüpürməz,
sovet hakimiyyətini

Dinc əhali,
sakit Kiyev küləyi
Havanın havasını dəyişən, təkəbbür ordusu,
Sarışın caninin içində tənhalıq qorxusu
Öz ədalətinə söykənə bilməyən,
məsumlara çevrilməyən azsaylı rusların kürəyi

Pəltək dilin doğruları danışdığı həyəcanda
Pəncərəni açanda
alov üzündə cəhənnəm salar, dərbədər
Bir gün də zaman,
səni öz eqonda bombardman edər 

Ctrl
Enter
ohv tapdınız?
Ctrl+Enter sıxıb bizə bildirin
Müzakirə (0)