Edebiyyat.az » Poeziya » Merlin Çin

Merlin Çin

Merlin Çin
Poeziya
admin
Müəllif:
00:19, 17 may 2022
597
0
Merlin Çin




Çinli-amerikalı yazıçı, aktivist Merlin Çin beş şeir kitabının və bir romanın müəllifidir. Şeirləri bir çox nüfuzlu mükafata layiq görülən müəllifin yaradıcılığı Asiya-Amerika ədəbiyyatının klassiklərindən hesab olunur. 

Pion

Ey qızcığaz, niyə bu hekayəni danışmalıyam sənə mən

Axı sən hər şeydən xəbərsiz bir qönçəsən


İndi isə dolu siman günəş tək parıldayır

Qat-qat ləçəklərini cəsarətlə çəhrayıya boyayır


Lakin indi baxışların küskün, bənizin solğun

Və sən də pay almısan dərd çəkməyin kimyagər xislətindən, tanrının labüd toxunuşundan


Bir sal yadına Buddanın sözlərini

Qocalıq, ölüm, və xəstəliyi dadan heç nə əbədi yaşamır


Özünü gizlət, üzünü günəşdən gizlət

Vecsizcə tamaşa et solğun çöhrənə


Qəm yemə, ey qızcığaz, sözüm burada bitər

Naməlumdan azad olma 


San Diyeqoyadək izləyir məni kölgəm 

Səssizcə, şikayətlənmədən. 

Grin kartsız, şəxsiyyət vəsiqəsiz, 

Mənim taleyimlə nikahdadır o.


Sərxoş, anorektik ay,

Aramsız fırlanır, çəkisi artır, azalır, 

Qrotesk hərəkətlə rəqs edir kölgəm, 

Qəzəblidir ayrıla bilmir məndən.


Yaza bilmədiyi romanlarına yas tutur ay, 

Soyunub göz yaşı tökür ağaclar üstə və qəflətən çıxıb gedir.

Qayıdıb sabah döyəcək məni

Göyərdəcək bədənimi dəfələrlə.




Əlvida Ay, əlvida Kölgam.

Həyatım, sevgilim, mən tələsirəm. 

Tezliklə günəş də dolacaq evə. 

Tələsib bir qərar man verməliyəm.


Mənbə:

https://poets.org/poem/peony

https://www.poetryfoundation.org/poems/57178/get-rid-of-the-x

Tərcümə etdi: Sonası Vəliyeva


Ctrl
Enter
ohv tapdınız?
Ctrl+Enter sıxıb bizə bildirin
Müzakirə (0)