Fərid Muradzadə - Hər qadın ayrıca fəsil kimidir

Hər qadın ayrıca fəsil kimidir

Biri bahar kimi al-əlvan qadın,

Biri payız kimi saralan qadın,

Biri də buz kimi qış olan qadın

Ömrün hər anında nur saçan qadın.

Hər qadın ayrıca fəsil kimidir

Kimi xəyal qurur, kimi ev qurur.

Şəninə ən gözəl nəğmə qoşulur,

Dünyaya sığışan zərif qadının,

Qadın dünyasına bu dünya sığmır.

Hər qadın ayrıca fəsil kimidir,

Tilsimi, əfsunu, sirri, sehri var

Tufanı, boranı, sərin mehi var,

O çiçək qadındır, ləçəyi üstə

Mirvari jalələr, səhər şehi var.

Hər qadın ayrıca fəsil kimidir,

İçində kin də var, məhəbbət də var,

Qadın ən dəyərli cəvahiratdır,

Qadınlar atılmaz, qadın qorunar

Qadın xoş ətirli bir gül kimidir,

Hər qadın ayrıca fəsil kimidir.

***

İki sevgilimiz var

Birin cisim, birin ruhla sevirik.

İki cür dərdimiz var

Birin iplə, birin hislə çəkirik.

İki cür görə bilirik

Biri adi göz, biri bəsirət ilə.

İki cür yaşayırıq

Biri dünya, biri axirət ilə.

İki cür inanırıq

Biri gerçək, o biri nağıl ilə.

İki cür anlayırıq

Biri qəlb ilə, biri də ağıl ilə.

İki cür cildimiz var

Birində insanıq, birində şeytan.

İki cür vədimiz var

Birində doğruyuq, birində yalan.

İki cür yaşayırıq

Birində kişiyik, birində rizvan.

İki cür yük daşıyırıq

Gerçəkdə sakin, fanidə mehman.