Elşən Təhməzovdan yeni şeirlər

Yenə də ürəyim aman vermədi
Yenə də düşündüm səni bu gecə
O sənli günləri ötən anları
Unuda bilmirəm unudum necə
Bu qəlb unutmur ki yaşayım rahat
Bir an düşünməyim ötən günləri
Şeirlər mahnılar şəkillər niyə?
Mənə xatırladır ötən illəri
Görəsən xatirələr unudularmı
Görəsən nə vaxtsa yaddan çıxarsan?
Hər an ürəyimdə yerin görünür
Bəs sən çıxararsan? sən unudarsan?
Elşən də daima sevirdi onu
Yaşaya bilmirdim demişdim sənə
Mən sənə sevirəm sözün deyəndə
Bir az naz etmişdin gülmüşdün mənə
Yenə də ürəyim aman vermədi
Axtardım aradım tapa bilmədim
Ey gülüm darıxdım səninçün bu gün
Nə qədər çalışdım yata bilmədim
Yalnızlıq insanı çox darıxdırır,
Umursan, xəyalda olan kəsləri.
Sanırsan yanında əyləşib onlar
Amma ki, onların çıxmır səsləri.
Yalnızlıq uzağa aparır məni
Sənsiz də, sənli də heç fərqi yoxdur.
Ağrayan ürəyə verilən acı,
Elə bil, hədəfə vurulan oxdur.
Qəribə hal alır, yalnız olanda,
Min cür hadisələr, başıma gəlir.
Səninlə keçirdiyim o gözəl günlər,
Bir-bir xəyalında qarşıma gəlir.
Elşən də ağlayıb keçmişdə sənə,
Hələ də ağlayır, gözləyir səni.
Onun ürəyindən bircə söz keçir,
Danmır, o hələ də çox sevir səni.
Son gediş həqiqətən kədərli oldu,
Bilmədim nə edim, təəssüf ki mən.
Ürəyim ağradı, gözlərim doldu,
Qayıtdın yarandı təbəssüm həmən.
Kaman da dözmədi bu ayrılığa,
Bəstələr yarandı, əsər yarandı.
Çoxları bilmədi sınan qayığa,
Niyə od vuruldu, qayıq da yandı.
Yazıb qaraladım mən bu şeiri,
Çiçək də baharsız dözə bilmədi.
Elşənin əlində qaldı məktubu,
Hey silmək istədi, silə bilmədi.


Baxılıb: 267
Səhv tapdınız? Mətni seçin (qaralayın) və Cntrl + Enter düyməsini sıxmaqla bizə bildirin!

Rəylər(0)

Rəy bildir

Son xəbərlər

Bütün xəbərləri göstər

Biz sosial şəbəkələrdə