Misuzu Kanekodan (1903-1930) bir şeir

Hər iki qolumu geniş açsam da,

Mən uça bilmərəm mavi göylərdə.

Uçmağı bacaran bir quş da amma 

Möhkəm qaça bilməz mənimtək yerdə.

Bütün bədənimi silkələsəm də,

Əsla vücudumdan çıxmaz gözəl səs.

Gözəl səs çıxaran bir zınqırov da

Mən bilən qədər çox nəğmələr bilməz.

Uçan quş, səslənən zınqırov və mən —

Hamımız fərqliyik bir-birimizdən!

Hamımız yaxşıyıq bir-birimizdən!

Tərcümə: Məhəmməd Nuri