Edebiyyat.az » Poeziya » Günel Rəcəbdən üç şeir.

Günel Rəcəbdən üç şeir.

Günel Rəcəbdən üç şeir.
Poeziya
admin
Müəllif:
20:19, 04 fevral 2021
182
0
Günel Rəcəbdən üç şeir.










Çanta

 

Təkliyimi gəzdirirəm

Çanta kimi özümlə.

İçində bir az sükut,

Bir az da küskünlük var.

Sonuncu sevgidən miras


Xatirələr, sətirlər,

Bir də bu kədərli şeirlər…

Məsafələr uzandıqca

Yoxluğun ağır gəlir.

Daşımağa gücüm çatmır,

Təkliyim məni əzir.

Qanadımı qıranlar

Öz qanımdan idilər.

Qanadlarım əvəzi

Mənə çanta verdilər.

 

 

 

Şairlərin həyat tərzi

 

Hər şairin

Bir pəncərəsi var.

İşıqları sönməyən.

 

Hər pəncərədən

Bir baxanı

Xatirində ölməyən. 

Hər baxanın 

Bir arzusu

Heç vaxt geri dönməyən.

 

Bir qəlbi. Bir qələmi

Bir də ayrılıqları...

 

Içkidən omayan

Bir sərxoşluğu var. 

Elə hey qurşanar.

 

Tənhalığı içər şərab əvəzi

Belə olur

Şairlərin həyat tərzi

 

 

 

Skripkanın səsi

 

 

Skripkanın həzin səsi

Günlərdir ağladır məni. 

İlmə-ilmə sökür ruhumu.

 

Güzgü də 

Üzümə vurur

Yenə sənin yoxluğunu.

 

 

Asın məni şeirlərimdən!

Anamın göz yaşıyla,

Noyabr yağışıyla

Yuyun günahlarımı.

 

Ruhumun boş yerinə 

Qoyun saralmış 

Çinar yarpaqlarını.

 

Ctrl
Enter
ohv tapdınız?
Ctrl+Enter sıxıb bizə bildirin
Müzakirə (0)